A través do Programa de Medicina Preditiva, un dos tres eixos estratéxicos de IMPaCT, configurarase unha cohorte de base poboacional, multipropósito, que integrará información dos estilos de vida e do contexto social e ambiental, da situación clínica e outros moitos factores.
Este proxecto está coordinado polo Consorcio Centro de Investigación Biomédica en Rede (CIBER) a través da súa área de Epidemioloxía de Saúde Pública (CIBERESP).
A investigadora principal do proxecto é Marina Pollán Santamaría, directora científica do CIBERESP e investigadora do Centro Nacional de Epidemioloxía do Instituto de Salud Carlos III.
A Cohorte IMPaCT caracterízase polo seu gran tamaño, o uso intensivo das tecnoloxías da información e comunicación (TICs), a inclusión dun exame físico, información medioambiental recollida dunha extensa colección de mostras biolóxicas, e os contactos periódicos con cada participante ao longo de 20 anos.
Desenvólvese nos 50 centros IMPaCT, centros de atención primaria de saúde pertencentes aos servizos sanitarios das 17 Comunidades Autónomas e de Ceuta e Melilla, nos que se realiza o recrutamento, a recollida de información e o contacto periódico cos participantes.
O proxecto recompila información de cada participante a través de enquisas, exploracións físicas e mediante a recollida de distintas mostras biolóxicas nos Centros de Saúde implicados. Os datos poñeranse a disposición da comunidade científica para desenvolver outros proxectos de investigación de interese para a sociedade.
Responsables territorialesMellorar a comprensión das causas das enfermidades e condicións de saúde prioritarias en saúde pública, incluídas a deterioración funcional asociada á idade, as lesións e a discapacidade
Facer un seguimento do estado de saúde dos residentes en España, con especial atención ás desigualdades en saúde (Saúde Pública de precisión).
Predicir o risco de enfermidade e doutras condicións de saúde, incluídas a deterioración funcional asociada á idade, as lesións e a discapacidade. (Medicina Preventiva de precisión).
Identificar biomarcadores de enfermidade subclínica ou en fases iniciais, así como biomarcadores de fenotipos específicos de potencial utilidade na práctica clínica (Medicina Clínica de precisión).
A Cohorte IMPaCT é unha gran infraestrutura pública de investigación da saúde. Esta gran cohorte contribuirá á despregadura efectiva da Saúde Pública e a Medicina de Precisión no Sistema Nacional de Saúde. Por iso, a Cohorte IMPaCT beneficiará a:
Grazas aos datos deste estudo, preténdese, co coñecemento xerado, mellorar o estado de saúde de toda a poboación residente en España. Por una parte, desenvolveranse modelos preditivos que se usarán en medicina preventiva. Esta prevención será individualizada e personalizada en función das características ambientais do lugar de residencia, ou a posición socioeconómica. Por outra banda, axudará ao diagnóstico precoz das principais enfermidades, coa identificación de biomarcadores medibles en sangue ou noutras mostras biolóxicas de fácil acceso. Ademais, melloraranse as estratexias terapéuticas, mediante o tratamento personalizado.
Beneficiaranse de completos exames de saúde realizados polo persoal IMPaCT. Os resultados das probas valoraranse por profesionais médicos, e comunicarase aos participantes calquera achado que requira atención sanitaria, facilitándose o acceso á mesma. Entregarémoslles os resultados das analíticas das mostras de sangue (hemograma e bioquímica), xunto coa parte máis relevante de información do exame físico.
Os profesionais sanitarios que participen no proxecto serán nomeados Investigadores Clínicos Asociados da Cohorte IMPaCT. Formarán parte do maior estudo de investigación centrado en Atención Primaria desenvolvido en España.
A Cohorte IMPaCT proporcionará gran cantidade de datos para desenvolver novas investigacións a proposta da comunidade científica. Un elemento clave para elo será o gran Biobanco que permitirá facer moitas determinacións analíticas ao longo das próximas décadas, para responder a novas preguntas de investigación.
© Copyright 2022 Cohorte IMPaCT | Diseño web: Fontventa